恶搞香港新用語

上一篇 / 下一篇 2008-03-12 15:45:53

香港新用語，我係做物業管理，其實即係看更。

香港新用語，我係搞本土經濟，其實即係趁墟做小販。

香港新用語，我係做物流，其實係做搬運，亦即係咕喱也。

香港新用語，我係做資訊科技，其實係賣電話。

香港新用語，我係搞另類醫療，其實即係同人做按摩。

香港新用語，我係搞視覺藝術，其實即係同人美容，洗頭電髮。

香港新用語，我係搞創意經濟，其實即係街邊賣翻版。

香港新用語，我搞中港貿易，其實係走水貨。

還有一些日常用語，都是新的理解。
我係搞珠三角融合，即係上堔圳滾。
我間舖頭正在內部裝修，其實，已經關門執笠。
我間公司諗住搞上市，其實，老闆想刮最後一筆，然後甩身鬆人。
我繼續進修，即係無嘢做。
我想創業，即係啱啱失業。
這是香港新用語，如不學習，就會落後於形勢。